ગુજરાતમાં 24કલાક માં ભારે થી ભારે વરસાદની આગાહી આ વિસ્તારોમાં આજે પડશે ભારેથી અતિભારે વરસાદ રાજ્યના 231 તાલુકામાં જોવા મળી મેઘ મહેર આ જિલ્લામાં રેડ એલેટ કરવામાં આવું

ગુજરાતમા સાર્વત્રિક વરસાદની આગાહી વચ્ચે સવારે 6થી 10 વાગ્યા સુધી રાજ્યના 147 તાલુકામાં વરસાદ નોંધાયો છે. ઉત્તર ગુજરાત પર મેઘરાજા મહેરબાન થયા છે. આજે બનાસકાંઠા, મહેસાણા, પાટણ, અરવલ્લી જિલ્લામાં ભારે વરસાદ જોવા મળી રહ્યો છે. જેમા બનાસકાંઠામાં સૌથી વધુ વરસાદ નોંધાયો છે.

બનાસકાંઠા જિલ્લામાં મોડી રાતથી સાર્વત્રિક વરસાદ વરસી રહ્યો છે. જિલ્લાના ભાભર, સૂઈગા, દિયોદર, થરાદ, પાલનપુરમાં વરસાદ પડતાં અનેક નીચાણવાળા વિસ્તારમાં પાણી ભરાયા છે. બનાસકાંઠા જિલ્લામાં હવામાન વિભાગની આગાહી મુજબ ગત રાત્રિથી સાર્વત્રિક વરસાદ વરસી રહ્યો છે. ગ્રામ્ય વિસ્તારોમાં ખેતરોમાં પાણી ભરાયા છે.

તો બીજીબાજુ પાલનપુરમાં બે કલાકમાં પડેલા સવા ઇંચ વરસાદના કારણે પાલનપુરની સિવિલ હોસ્પિટલમાં ગેટ આગળ તેમજ હોસ્પિટલ પરિસરમાં પાણી ભરાતા દર્દીઓ અને તેના પરિવારજનોને પાણીમાંથી ચાલવા મજબુર બનવું પડ્યું છે. પાલનપુરના બારડપુરા અને નીચાણવાળા વિસ્તારોમાં પાણી ભરાયા છે. તો જિલ્લાના પાલનપુર, ડીસા, દાંતીવાડા, દાંતા, વડગામ સહિત અનેક પંથકમાં હાલ ધીમીધારે વરસાદ વરસી રહ્યો હોવાથી ધરતી પુત્રો અને લોકોમાં ખુશી છવાઈ છે.

બનાસકાંઠાના થરાદમાં 6 કલાકમાં 5.5 ઇંચ વરસાદ વરસ્યો છે. વહેલી સવારથી વરસી રહેલા વરસાદને લઈ રોડ રસ્તાઓ ઉપર પાણી ભરાયા છે. થરાદના નારાંદેવી મંદિરથી માર્કેટયાર્ડ જવાના રસ્તા ઉપર ઘૂંટણ સમા પાણી ભરાયા છે. જેથી રોડ રસ્તા ઉપર પાણી ભરાતા વાહન ચલાવવું મુશ્કેલ બન્યુ છે. સરહદીય વાવ-થરાદ, સુઈગામમાં ધોધમાર વરસાદ જોવા મળ્યો છે. થરાદમાં ખેતરોમાં પણ ભરાયા વરસાદી પાણી ભરાયા છે.

ગુજરાતના 231 તાલુકામાં મેઘરાજાએ ધડબડાટી બોલાવી છે. જેમાં સૌથી વધુ વરસાદ થરાદમાં 6 ઈંચ અને લાખણીમાં 4 ઈંચ ખાબક્યો છે. ત્યારે આજે પણ રાજ્યના કેટલાંક જિલ્લામાં હવામાન વિભાગે અતિ ભારે વરસાદની આગાહી કરી છે.

હવામાન વિભાગે આગાહી કરતા જણાવ્યું કે, ‘રાજ્યમાં આજે કચ્છ, બનાસકાંઠા, પાટણ, વલસાડ, દ્વારકા, જામનગર, રાજકોટ, મોરબી, સુરત, ભરૂચ, મહેસાણા, અરવલ્લી અને સાબરકાંઠામાં અતિભારે વરસાદની આગાહી કરવામાં આવી છે.’

તમને જણાવી દઇએ કે, રાજ્યમાં કુલ 231 તાલુકામાં વરસાદે રમઝટ બોલાવી છે. જેમાં સૌથી વધુ થરાદમાં 6 ઈંચ વરસાદ ખાબક્યો છે. એ સિવાય વડગામ અને સુઈ ગામમાં 3.5 ઈંચ, પાલનપુરમાં 3 ઇંચ, વાવમાં 2.7 ઈંચ વરસાદ, ખેડાના કઠલાલમાં પોણા 4 ઈંચ, મહેમદાવાદમાં 3 ઇંચ અને ખેરગામમાં પોણા 3 ઈંચ, કચ્છના અંજાર અને ભરૂચના વાલીયામાં 2-2 ઈંચ વરસાદ, બાલાસિનોર, ભચાઉ, સંતરામપુર, કપરાડા અને ડાંગમાં 2-2 ઈંચ વરસાદ, હાંસોટ, ભુજ અને કડાણામાં પોણા બે ઈંચ વરસાદ, વડોદરા, બોડેલી, વિજયનગર, દાંતીવાડા, મહેસાણામાં 2.5 ઈંચ વરસાદ તો સંખેડા, ફતેપુરા, હારીજમાં 2.5 ઈંચ વરસાદ ખાબક્યો છે.

સારા વરસાદથી નદી-નાળા છલકાયામહિસાગર જિલ્લામાં વરસાદી માહોલ જામ્યો છે.જિલ્લામાં સાર્વત્રિક વરસાદને કારણે લોકોમાં ખુશી જોવા મળી રહી છે. મહિસાગર જિલ્લામાં લુણાવાડા, સંતરામપુર, ખાનપુર, વિરપુર, સરસણ, પાદેડી, ચુથાના મુવાડા, મંકોડીયા, સાદકડાણા અને સંતરામપુરમાં એક ઈંચ વરસાદ વરસ્યો હતો. વધુમાં કાળીબેલમાં અનરાધાર વરસાદ ખાબક્યો હતો.વરસાદને કારણે નિચાણવાળા વિસ્તારોમાં પાણી ભરાતા લોકોએ મુશ્કેલીનો સામનો કરવાનો વારો આવ્યો હતો.

ગુજરાતમાં વરસાદી મહેર જામી છે અને આ વરસાદી મહેરમાં કુદરતી સૌંદર્ય પણ ખિલી ઊઠ્યું છે. જે હાલમાં પર્યટકોને પોતાની તરફ આકર્ષિત કરી રહ્યું છે. ખાસ કરીને ચોમાસામાં ખિલી ઉઠતા ધોધ પર્યટકો માટે આકર્ષક સાબિત થઈ રહ્યા છે. ગીરમાં આવેલ જમજીરનો ધોધ ખુબ પ્રખ્યાત છે. જે સારા વરસાદના કારણે ખિલી ઉઠ્યો છે.જેથી અહીં મોટી સંખ્યામાં પર્યટકો પણ કુદરતી નજારાને માણવા માટે પહોંચી રહ્યા છે. ખળખળ કરતો વહી રહેલો ધોધ લોકોને પોતાની તરફ આકર્ષિ રહ્યો છે અને મોટી સંખ્યામાં લોકો અહીં પરિવાર સાથે ધોધનો નજારો નિહાળવા આવે છે.કુદરતી નજારાને પોતાના કેમેરામાં કંડારવા આવી રહ્યાં છે.

નોંધ : આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો અન્ય સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “Gujarati Post” વેબસાઇટ કે પેજ ની કોઈ પણ જાત ની જવાબદારી રહેશે નહિ. અમારું પેજ “Gujarati Post” સારા સારા સમાચાર માણતા રહો અને શેર કરતા રહ…

Leave a Reply

Your email address will not be published. Required fields are marked *